(Präsentation)

Cours de Civilisation Française de la Sorbonne - íslenska

Version imprimable de cet article

Islenska


 

Kynning

 

Kennslustöð Sorbonne-háskóla um franska menningu (CCFS), á vegum stofnunar Roberts de Sorbon, eru merkasti frönskuskóli Parísar. Frá árinu 1919 hafa námsmenn frá öllum heimshornum sótt þar námskeið, allt frá blábyrjendum til háskólakennara sem kenna frönsku sem erlent tungumál.
Við kennslustöðinaum franska menningu fer fram kennsla í frönsku, hljóðfræði og franskri menningu. Einnig eru í boði sérsniðnar einingar sem búa nemendur undir alþjóðleg frönskupróf (TCF, DELF, DALF) sem greiða fyrir inngöngu í franska háskóla.

JPEG - 79.5 ko

Kennslumiðstöðin er til húsa að boulevard Raspail 214 (í fjórtánda hverfi Parísar), í hjarta hins nafntogaða Montparnasse-hverfis. Á skrifstofunni er tekið á móti væntanlegum námsmönnum og þar er leitast við að svara öllum fyrirspurnum.

Einnig veitum við nemendum aðstoð vegna húsnæðis- og stjórnsýslumála, og þar hafa þeir aðgang að menningarkynningu, bókasafni, lestrarsölum, félagslegri aðstöðu og tölvuverum.

Allar kennslustofur eru búnar gagnvirkum tölvuskjám (TNI) og málverin eru búin samkvæmt fullkomnustu tækni sem völ er á. Þráðlaust netsamband um alla bygginguna.

- Nánari upplýsingar um kennslustöð Sorbonne-háskóla um franska menningu er að finna hér: français, English, Español

Top

 

Námskeiðin

 

1. Grunnnámskeið

Grunnnámið er „[F010] Grunnnámskeið“, sem er tuttugu tímar á viku og svarar eftirspurn flestra nemenda. Námskeiðið skiptist í:

JPEG - 164 ko
  • frönskutíma, þar sem nemendur ná tökum á frönsku (málfræði, sagnbeygingum, réttritun, orðaforða, lestri bókmenntatexta, skriflegri og munnlegri tjáningu),
  • bæta framburð sinn og örva málskilning og tjáningu,
  • fyrirlestra og kynningar á mismunandi þáttum franskrar menningar.

Grunnnámið er útfært með mismunandi hætti eftir þörfum og markmiðum hvers og eins, hvort heldur sem samfelld og þétt kennsla eða sem kvöldnámskeið og allt þar á milli:

  • Samfelld frönskukennsla, 25 stundir á viku: [F030]
  • Kennsla sem felur í sér menningarfræðslu, 20 stundir á viku: [F010]
  • Kennsla með efldri frönskufræðslu, 20 stundir á viku: [F013]
  • Létt kennsla, 12 stundir á viku: [F020]
  • Kvöldnámskeið, sex stundir á viku: [F040]

Ýmsum valkvæðum kostum má bæta við: sérhæfingin „franska í atvinnulífinu“, „franska sem viðskiptamál“, menningarmál o.s.frv.

Við bjóðum ennfremur undirbúningsnámskeið til háskólanáms, sem eru opin nemendum frá og með skólastiginu B2: undirbúningur til BA- og BSc-náms og meistaranáms – með sérhæfingu í bókmenntum, lögfræði og hagfræði.

- Frekari upplýsingar um helstu námskeiðin hjá okkur er að finna hér: français, English, Español

 

2. Viðbótarnámskeið

Samhliða stöðluðum námskeiðum bjóðum við fjölmörg valnámskeið sem velja má við innritun í skólann eða sérstaklega. Um er að ræða tvenns konar námskeið:

  • Námskeið til þess að bæta frönskukunnáttuna: skrifleg samskipti, vinnustofur í munnlegum samskiptum, hljóðfræði, aðferðarfræði í háskólastarfi, vinnustofa í leiklist, kennsla í menningarfræðum, námskeið um franska menningu og menntun, læknisfræðileg franska o.s.frv.
  • Undirbúningur til prófa og vottunar í heimalandi sem veita meðal annars aðgang að frönskum háskólum: TCF, TEF, DELF, DALF o.s.frv. Kennslustöð Sorbonne-háskóla um franska menningu er með vottun vegna prófa TCF (með kostinum TCF á tölvu) og DELF-DALF.

- Frekari upplýsingar um helstu námskeiðin er að finna hér: français, English, Español

Top

 

Prófamiðstöðin

 

Kennslustöð Sorbonne-háskóla um franska menningu er einnig vottuð miðstöð til frönskuprófanna TCF, DELF og DALF í heimalandinu.

PNG - 5.7 ko
TCF

Prófamiðstöðinni er skipt í tvær deildir, annars vegar er TCF (prófun í frönskukunnáttu) og hins vegar DELF-DALF (próf í frönskunámi – próf í frönskunámi á efri stigum). Markmiðið með þessum prófum er að meta almenna þekkingu viðkomandi í frönsku í samræmi við sameiginlega rammaáætlun ESB vegna CECR). Prófin eru ætluð öllum sem vilja gangast undir þau af faglegum eða persónulegum ástæðum eða vegna náms, og er þannig unnt að meta og staðfesta frönskuþekkingu þeirra með einföldum, áreiðanlegum og fljótlegum hætti.

- Ítarlegar upplýsingar er að finna hér: français, English, Español

Top

 

Námið

 

Við kennslustöð Sorbonne-háskóla um franska menningu eru gæði kennslunnar tryggð með eftirfarandi hætti:

  • við komuna til Parísar er nemandinn prófaður svo unnt sé að skrá hann í bekk sem hæfir þekkingarstigi hans.
  • einn og sami kennarinn annast sérsniðna eftirfylgni og kennir samfellt meðan á náminu stendur.
  • prófskírteini eru afhent við athöfn í stóra hátíðarsalnum í Sorbonne.
  • hægt er að fá einingarnar metnar sem alþjóðlegar námseiningar ( ECTS).

Kennslan nýtur gæðavottunar frá CIEP fyrir kennslu frönsku sem erlends tungumáls.

- Nánari upplýsingar um námið við kennslustöð Sorbonne-skóla um franska menningu er að finna hér: français, English, Español

JPEG - 174.2 ko
GIF - 13.7 ko

 

Top

 

Námstíminn

 

JPEG - 54.3 ko

Haustnámskeið: kennt í þrjá mánuði, frá september til desember
Vetrarmisseri: kennt í fjóra mánuði, frá október til janúar (12 vikna kennsla)
Stutt vetrarnámskeið: kennt í átta vikur, frá október til nóvemberloka
Vormisseri: kennt í fjóra mánuði, frá febrúar til maí (12 vikna kennsla)
Stutt vornámskeið: kennt í átta vikur, frá febrúar til apríl
Sumarnámskeið: kennt í fjórar, sex, átta og tólf vikur (júní, júlí, ágúst, september)

- Nánari upplýsingar um dagsetningar námskeiðanna er að finna hér: français, English, Español

Top

 

Innritun

 

Nemendur skulu hafa náð átján ára aldri og lokið prófi sem samsvarar frönsku stúdentsprófi.

Dvalarleyfi:

  • Að því er varðar ríkisborgara aðildarlanda Evrópusambandsins (einnig Íslands, Noregs og Sviss): skilríki.
  • Að því er varðar þá sem þurfa dvalarleyfi vegna náms (einkum vegna dvalar sem er lengri en 90 dagar, utan ESB) skal framvísa vottorði um forskráningu til ræðismanna. Þetta vottorð er sent sjálfkrafa að lokinni forskráningu á vefsíðu okkar.

ATH: nemendur sem innrita sig í kennslustöðina til vetrarmisseris og óska eftir því að halda áfram á vormisseri verða að forinnrita sig til náms á vetrarmisseri OG á vormisseri áður en sótt er um landvistarleyfi. Forskráning til náms á vetrarmisseri nægir ekki til þess að tryggja landvistarleyfi til langrar námsdvalar og sækja nám á vormisseri, enda þarf viðkomandi að snúa heim að vetrarmisseri loknu.

- Nánari upplýsingar um forskráningar er að finna hér: français, English, Español

Top

 

Þegar komið er til Parísar

 

Cours de Civilisation Française de la Sorbonne

  • Centre Raspail: aðalmiðstöð, móttaka nemenda
    Póstfang: 214, boulevard Raspail - 75014 Paris
    Neðanjarðarlestarstöð: Vavin eða Raspail (lína M4)
  • Notre Dame des Champs : Kennsla um franska menningu í fyrirlestrarsal
    Póstfang: 92 bis, boulevard du Montparnasse - 75014 Paris
    Neðanjarðarlestarstöð: Vavin (lína M4)
  • La Sorbonne : afhending skírteina
    Adresse : 47, rue des Écoles - 75005 Paris
    Neðanjarðarlestarstöð: Cluny-La Sorbonne (lína M10)
JPEG - 672.5 ko

 

Centre Raspail

Byggingin sem hýsir Kennslustöð Sorbonne-háskóla um franska menningu var endurnýjuð 2013. Hún stendur við boulevard Raspail 214, í fjórtánda hverfi. Um er að ræða ríflega sex þúsund fermetra sem eru helguð frönskukennslu, þ.e. fjörtuíu kennslustofur á sjö hæðum, búnar fullkomnum tölvubúnaði. Einnig er þar að finna alla þjónustu sem léttir námsmönnum lífið, þar á meðal aðstoð vegna húsnæðismála.

JPEG - 84.7 ko
JPEG - 1.3 Mo

1. Sjúkrastofa
2. Menningarkynning
3. Skrifstofa kennslustöðvarinnar
4. Móttaka og aðstoð við húsnæðismál
5. Stjórnsýsluaðstoð
6. Bókasafn
7. Tölvuver
8. Lestrarsalir
9. Félagsleg aðstaða nemenda
10. Sjálfsalar

Aðstoð vegna húsnæðismála

Kennslustöð Sorbonne-háskóla tekur á móti nemendum og býður aðstoð vegna hásnæðismála, þar sem ýmsar húsnæðislausnir eru í boði (herbergi hjá heimamönnum, stúdíóíbúð, hýsing á görðum). Ekki er unnt að ganga frá pöntun fyrr en að lokinni innritun á staðnum. Allar frekari upplýsingar veitir skrifstofa aðstoðar við húsnæðismál (accueil ccfs-sorbonne.fr).

Cours de Civilisation Française de la Sorbonne (Kennslustöð Sorbonne-háskóla um franska menningu)
214 boulevard Raspail - 75014 Paris
Sími: +33 1 44 10 77 00
Netfang: contact ccfs-sorbonne.fr
Heimasíða: www.ccfs-sorbonne.fr

 

- Nánari upplýsingar um miðstöðina er að finna hér: français, English, Español

Top